Wales Cymru

Dylai'r holl ddeunydd hyrwyddo ddod yn uniongyrchol o Gymru. Nid o sefydliad oer, corfforaethol, amhersonol. Mae defnyddio iaith fel 'rydym' a 'ni' yn ddechrau da. Mae siarad am bobl a lleoliadau real hefyd yn beth da. Mae'n gwneud i'r hyrwyddiadau ymddangos fel petaen nhw'n dod yn uniongyrchol o Gymru.

Rydym ni'n edrych ar bethau mewn ffordd wahanol i wledydd eraill. Mae gan Gymru ei safbwynt ei hunan. Byddwch falch. Byddwch hyderus. Byddwch fentrus.

Peidiwch â chyffredinoli. Defnyddiwch enghreifftiau penodol a ffeithiau bywyd go iawn. Siaradwch gyda'r dyn ar y stryd. Ewch i weld y lleoliadau yr ydych chi'n ysgrifennu amdanynt. Efallai y dewch chi o hyd i rywbeth a fydd yn eich synnu chi a'r bobl y byddwch chi'n siarad â nhw.

Mae'r Gymraeg yn iaith swynol, fyw. Mae'n rhan bwysig o'r hyn sy'n gwneud Cymru yn wahanol. Wrth ei defnyddio, meddyliwch pwy yw'r gynulleidfa. Bydd paragraffau cyfan yn y Gymraeg ar wefan Seasneg yn ei gwneud hi'n anodd i'r di-Gymraeg ein deall ni. Bydd defnyddio'r Gymraeg fan hyn a fan draw yn ennyn diddordeb a chwilfrydedd pobl.

Mae hynny'n beth diog. Mae Cymru yn llawn straeon a phobl diddorol. Chwiliwch amdanynt. Ysgrifennwch amdanynt. Rhowch gyfle i bobl glosio atynt. 

Mae hynny'n rhy hawdd. Nid ni fyddai hynny. Rydym ni'n fwy gwreiddiol ac yn siarad yn fwy plaen na hynny.

Dyma sut y mae pob taflen wybodaeth, hysbyseb a gwefan o unrhyw wlad yn cael eu hysgrifennu. Mae pawb wedi gweld y math hwn o beth o'r blaen. Nid ydynt am ei weld eto.

Mae'r rhain yn enghreifftiau gwych sy'n dangos bod defnyddio iaith onest ac enghreifftiau penodol yn llawer fwy agos atoch na defnyddio ystrydebau blodeuog, ymhongar. Ysgrifennwch fel pe baech yn siarad a wnewch chi ddim methu.

Ymadroddion yw'r rhain sy'n cael eu defnyddio gan adran farchnata pob gwlad. Felly, os ydych chi'n credu eich bod wedi ei weld o'r blaen, mae'n debygol eich bod chi. Ac, os yw'n edrych fel rhywbeth y gallai cyrchfan arall ei ddweud, peidiwch a'i ddweud.

Diflas iawn! Ydy hwn yn edrych yn gyfarwydd? Rydych chi fwy na thebyg wedi'i ddarllen filoedd o weithiau o'r blaen. Yr un hen ystrydebau. Yr un hen gyffredinoli. Gallai hynny gynrychioli unrhyw le. Os gwelwch chi Gymru yn cael ei disgrifio fel hyn, mae'n bryd ei rwygo a dechrau eto.